Ուկրաինայի ԶՈւ–ն գնդակոծել է Բելգորոդի կենտրոնը. զոհերի թվում երեխաներ կան

ԵՐԵՎԱՆ, 30 դեկտեմբերի – Sputnik. Ուկրաինայի զինված ուժերը գնդակոծել են Բելգորոդի կենտրոնը։ Ըստ լրատվամիջոցների` 4 մարդ է մահացել, վիրավորներ կան։

Բելգորոդի մարզպետ Վյաչեսլավ Գլադկովը Telegram-ում գրել է, որ հարվածի տակ են հայտնվել բնակելի տները, զոհերից 2-ը երեխաներ են։

ՌԴ ՊՆ–ն ավելի վաղ տեղեկացրել էր, որ այս գիշեր ռուսական ՀՕՊ միջոցները Բելգորոդի մարզի տարածքում 13 ռեակտիվ արկ են ոչնչացրել: Մարզպետն էլ հայտնել էր Բելգորոդի զանգվածային գնդակոծության ժամանակ արկերից մեկը դիպել է մասնավոր տանը, ինչի հետևանքով մեկ մարդ է մահացել, չորսը՝ վիրավորվել: