Ուժեղ քամի կլինի, լեռնային մարզերում՝ գետնաբուք. եղանակի տեսություն

ԵՐԵՎԱՆ, 28 դեկտեմբերի – Sputnik. Հայաստանի Հանրապետության տարածքում`
դեկտեմբերի 28-31-ին, հունվարի 1-ին սպասվում է առանց տեղումների եղանակ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Դեկտեմբերի 28-ին հանրապետության առանձին հատվածներում սպասվում է քամու ուժգնացում, պոռթկումները մինչև 28-33մ/վրկ, լեռնային առանձին մարզերում՝ գետնաբուք։

Օդի ջերմաստիճանը դեկտեմբերի 29-30-ին աստիճանաբար կնվազի 3-5 աստիճանով։

Երևան քաղաքում դեկտեմբերի 28-31-ին, հունվարի 1-ին սպասվում է առանց տեղումների եղանակ։ Դեկտեմբերի 28-ին կեսօրից հետո սպասվում է քամու ուժգնացում 17-20 մ/վրկ։

Մայրաքաղաքում դեկտեմբերի 28–ի ցերեկը կլինի +12....+14 աստիճան, իսկ երեկոյան ժամերին կգրանցվի 4-6 աստիճան տաքություն։