Իսլանդիայի հարավում գտնվող Ռեյկյանես թերակղզում երկրաշարժից հետո հրաբուխ է ժայթքել։ Տեղեկությունը հայտնում է ՌԻԱ Նովոստին՝ հղում անելով տեղական լրատվամիջոցներին։
Նշվում է, որ սա Ռեյկյանես թերակղզում վերջին երեք տարվա ընթացքում չորրորդ ժայթքումն է։
4,2 մագնիտուդով երկրաշարժը տեղի է ունեցել երեկ` ժամը 21:00-ին (Երևանի ժամանակով` 01:00-ին): Իսկ ժամը 22:46-ին (Երևանի ժամանակով` 02:46-ին) Գրինդավիկ քաղաքի շրջանում սկսվել է հրաբխի ժայթքումը:
Հիշեցնենք, որ Իսլանդիայի իշխանությունը նոյեմբերի 10-ին Գրինդավիկում տարհանում էր հայտարարել. վտանգ կար, որ լավան կարող էր կուտակվել քաղաքի մոտակայքում։ Մի քանի օր անց Իսլանդիայի խորհրդարանը հավանություն տվեց լրացուցիչ հարկ սահմանելու հաշվին լավայի զսպման պատնեշներ կառուցելու օրինագծին։