Տեղումներ չեն գրանցվի. եղանակի տեսություն

ԵՐԵՎԱՆ, 11 դեկտեմբերի – Sputnik. Հայաստանի Հանրապետության տարածքում
դեկտեմբերի 11-ին, 14-ի ցերեկը, 15-ին սպասվում է առանց տեղումների եղանակ։ Դեկտեմբերի 12-13-ին, 14-ի գիշերը առանձին շրջաններում սպասվում են տեղումներ և մառախուղ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Օդի ջերմաստիճանն էապես չի փոխվի։ Քամին հարավարևմտյան է, 2-5 մ/վ արագությամբ։

Երևան քաղաքում ևս դեկտեմբերի 11-ին և 14-15-ին սպասվում է առանց տեղումների եղանակ։ Դեկտեմբերի 12-13-ին հնարավոր է կարճատև անձրև։ Գիշերը և առավոտյան հնարավոր է նաև մառախուղ։

Մայրաքաղաքում դեկտեմբերի 11–ի ցերեկը կլինի 7-9 աստիճան տաքություն, իսկ երեկոյան ժամերին կգրանցվի +3...+5 աստիճան։