ԵՐԵՎԱՆ, 4 դեկտեմբերի – Sputnik. ՀՀ պետական եկամուտների կոմիտեն 2023 թվականի 11 ամսվա ընթացքում ապահովել է մոտ 2 տրլն դրամ հարկային եկամուտներ և պետական տուրքեր։ Տեղեկությունը հայտնում է ՊԵԿ մամուլի ծառայությունը։
«Հունվար-նոյեմբեր ամիսների ընթացքում ՀՀ պետական եկամուտների կոմիտեի կողմից ապահովվել է 1 տրլն 954.8 մլրդ դրամ հարկային եկամուտներ և պետական տուրքեր։ Սա նախորդ տարվա նույն ժամանակաշրջանի ցուցանիշից շատ է 242.2 մլրդ դրամով կամ 14.1%-ով»,– ասված է հաղորդագրությունում։
Ընթացիկ տարվա նույն ժամանակահատվածում հարկ վճարողներին և ֆիզիկական անձանց վերադարձվել է շուրջ 337.2 մլրդ դրամ։ Այս ցուցանիշը նախորդ տարվա նույն ժամանակաշրջանի ցուցանիշից շատ է 99.5 մլրդ դրամով կամ 41.9%-ով: