ԵՐԵՎԱՆ, 3 դեկտեմբերի - Sputnik. 52 կգ քաշային Արեն Խառատյանը «Միկա» մարզադահլիճում ավարտին մոտեցող բռնցքամարտի պատանիների ավագ տարիքի աշխարհի առաջնության եզրափակիչում պարտվեց եզրափակիչում Ղրղզստանի ներկայացուցիչ Ամանտուր Ջումաևին ու բավարարվեց արծաթե մեդալով։
Երկու բռնցքարտիկներն էլ մինչև եզրափակիչ հասնելը տոնել էին 4-ական հաղթանակ։ Արենը այս տարիքային խմբում Եվրոպայի առաջնության փոխչեմպիոնն է, իսկ Ջումաևը՝ Ասիայի չեմպիոն։
Арен Харатян (справа) во время боя с Амантуром Джумаевым из Кыргызыстана время финальных поединков молодежного чемпионата мира по боксу (3 декабря 2023). Еревaн
© Photo : Screenshot / IBA Boxing
Առաջին ռաունդում ղրղզ բռնցքամարտիկը ավելի դիպուկ գտնվեց, ու մրցավարները 4։1 հաշվով հաղթանակը շնորհեցին նրան։ Երկրորդ ռաունդում ղրղզ բռնցքամարտիկը զարգացրեց իր առավելությունն ու հաղթեց 5։0 հաշվով։ Այս մենամարտում հաղթելու համար Խառատյանին արդեն հարկավոր էր հաղթել նոկաուտով։ Դա Արենին իրականացնել չհաջողվեց, ու չեմպիոնի կոչումը նվաճեց Ղրղզստանի ներկայացուցիչը։
Հիշեցնենք, որ ավելի վաղ 48 կգ քաշային կարգում Վաղարշակ Քեյանը նվաճեց աշխարհի չեմպիոնի կոչումը։
Եզրափակիչ մենամարտերի մրցումային առաջին օրվա ընթացքում Հայաստանի վերջին ներկայացուցիչը լինելու է Սամվել Սիրամարգյանը, որը 70 կգ քաշային կարգում մրցելու է լեհ Պավել Ուրբանսկիի հետ։