Հրդեհ է բռնկվել Մոսկվայի խոշորագույն «Սադովոդ» շուկայում։ Այդ մասին տեղեկացրել է Ռուսաստանի արտակարգ իրավիճակների նախարարությունը:
«Սադովոդում» հրդեհի մասին ահազանգը ստացվել է տեղի ժամանակով ժամը 11:58–ին (Երևանի ժամանակով 12:58–ին), հրդեհվել է կոնտեյներների մեջ եղած ապրանքը: Մեկ մարդ ծխահարվել է։
Նշվում է, որ փրկարարները տարհանել են 350 մարդու: Հրդեհի մարումը դժվարանում է խիտ կառուցապատման պատճառով:
Հրդեհի տարածումը կանխելու համար փրկարարներն ապամոնտաժում են անվնաս մնացած հարակից տաղավարները:
Նշենք, որ «Սադովոդ» շուկան (տարածքը ՝ 40 հա) գտնվում է Մոսկվայի օղակաձև ճանապարհի վրա՝ Մոսկվայի հարավում, և ներառում է ութ հազար խանութ։ Ամեն տարի «Սադովոդ» է այցելում 36,5 միլիոն գնորդ։