ԵՐԵՎԱՆ, 29 նոյեմբերի - Sputnik. Դեպի Մոսկվա թռչող անօդաչու թռչող սարք է ոչնչացվել Բորիսովկա գյուղի մոտակայքում: Այս մասին իր Telegram ալիքում հայտնել է Պոդոլսկի քաղաքային շրջանի ղեկավարի ժամանակավոր պաշտոնակատար Գրիգորի Արտամոնովը։
«Այսօր առավոտյան Բորիսովկա գյուղի շրջանում ՀՕՊ ուժերը հետ են մղել Մոսկվայի վրա թռչող անօդաչուի հարձակումը»,-գրել է Արտամոնովը` հավելելով, որ իրավիճակը վերահսկվում է։
Ավելի վաղ ՌԴ պաշտպանության նախարարությունը հայտնել էր, որ հակաօդային պաշտպանության համակարգերը Մերձմոսկվայի Պոդոլսկի քաղաքային շրջանում ուկրաինական ԱԹՍ են խոցել։
Մոսկվայի քաղաքապետ Սերգեյ Սոբյանինը հստակեցրել էր, որ դրոնը թռչում էր դեպի մայրաքաղաք, իսկ բեկորների անկման վայրում ավերածություններ և տուժածներ չկան: