ԵՐԵՎԱՆ, 27 նոյեմբերի – Sputnik. Եթե Կենտրոնական Ասիայից առևտուրը կարողանա հոսել Ադրբեջանի և Հայաստանի տարածքով դեպի Թուրքիա, դա զգալի խթան կլինի այս առևտրային ճանապարհի երկայնքով գտնվող բոլոր երկրների համար: Այս մասին հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենը։
«Մեզ ոգեշնչում է այն, որ կողմերը միմյանց հետ շփվում են և՛ ուղղակիորեն, և՛ միջնորդների միջոցով։ Դրանում մենք տեսնում ենք ողջ տարածաշրջանի օգտի իրական հնարավորություն»,–ասել է Օ'Բրայենը։
Նա հավելել է, որ, որ եթե ամեն դեպքում որոշում չկայացվի դրան հասնել խաղաղ ճանապարհով, «ԱՄՆ–ն ստիպված կլինի օգտագործել բոլոր հնարավոր գործիքները՝ այս տեսակի առևտրային ճանապարհի ստեղծումից խուսափելու համար»։
Հիշեցնենք` Ադրբեջանի իշխանությունները պարբերաբար խոսում են այսպես կոչված «Զանգեզուրի միջանցքի» մասին, որը, նրանց կարծիքով, պետք է Ադրբեջանի հիմնական մասը Հայաստանի տարածքով կապի Նախիջևանի Ինքնավար Հանրապետության հետ և արտատարածքային երթուղի դառնա։ Պաշտոնական Երևանն էլ հայտարարում է, որ ճանապարհները պետք է գտնվեն այն երկրների ինքնիշխանության ներքո, որոնց տարածքով անցնում են։