Հայաստանի ֆուտբոլի հավաքականի երկրպագուները երթ անցկացրին Երևանում

Հայաստանի ֆուտբոլի ազգային հավաքականի երկրպագուներն այսօր Ուելսի թիմի հետ խաղից առաջ երթ անցկացրին Երևանի կենտրոնում:

Երկրպագուները երթի ընթացքում գունավոր ծխագլաններ էին արձակում և երգում էին Հայաստանի օրհներգը:

Հատկանշական է, որ հայ երկրպագուների երթին հետևում էին Ուելսի երկրպագուները։

Հիշեցնենք, որ Եվրոպայի առաջնության ընտրական փուլի Հայաստան-Ուելս հանդիպումը կկայանա նոյեմբերի 18-ին Երևանում և կմեկնարկի ժամը 18:00-ին: