Գորշ արջերը հայտնվել են «Խոսրովի անտառ» պետական արգելոցում տեղադրված տեսախցիկներից մեկի առաջ։ Տեղեկությունը հայտնում է արգելոցի մամուլի ծառայությունը։
«Ֆեյսբուքում» տեսանյութ է հրապարակվել, որում արջերից մեկը խաղում է թափված տերևների մեջ, իսկ մյուսը քորում է իրեն։ Որոշ ժամանակ անց նրանցից մեկը հեռանում է տեսադաշտից, իսկ մյուսը սկսում է հոտոտել տարածքը։
Այս արջերն ընդգրկված են Հայաստանի Կարմիր գրքում և Բնության պահպանության միջազգային միության (ԲՊՄՄ) Կարմիր ցուցակում։