Մահացել է «Ալիսա» խմբի հիմնադիրներից մեկը` Անդրեյ Շատալինը

ԵՐԵՎԱՆ, 14 նոյեմբերի – Sputnik. «Ալիսա» խմբի հիմնադիրներից մեկն ու նախկին կիթառահար Անդրեյ Շատալինը մահացել է կյանքի 64-րդ տարում։ Այս մասին հայտնում է ՌԻԱ Նովոստին` հղում անելով «ВКонтакте» սոցցանցում խմբի հայտարարությանը։

«Անդրեյ Գերմանովիչ Շատալին։ 6.04.1960 - 13.11.2023։ Երկնային Արքայություն։ Ցավակցում ենք հարազատներին և մտերիմներին», – ասվում է «Ալիսայի» էջում։

Մահվան հնարավոր պատճառն ու հուղարկավորության օրը չեն նշվում։

Բաց աղբյուրների տվյալներով` Շատալինը լքել է «Ալիսա» խումբը 2003 թվականին կոլեկտիվի հետ ունեցած ստեղծագործական տարաձայնությունների պատճառով, նրա հետ միասին խմբից հեռացել էր նաև թմբկահար Միխայիլ Նեֆեդովը։