ԵՐԵՎԱՆ, 11 նոյեմբերի – Sputnik. Հայաստանի հավաքականի և «Կրասնոդարի» կիսապաշտպան Էդուարդ Սպերցյանը հոկտեմբեր ամսվա լավագույն ֆուտբոլիստ է ճանաչվել Ռուսաստանի Պրեմիեր լիգայում։ Այս մասին տեղեկանում ենք կազմակերպության կայքից։
Սպերցյանի հետ մեկտեղ հավակնորդների հնգյակում էին «Զենիթի» հարձակվող Իվան Սերգեևը, «Ռոստովի» հարձակվող Եգոր Գոլենկովը, ԲԿՄԱ–ի պաշտպան Միլան Գայիչն ու «Ռուբինի» դարպասապահ Յուրի Դյուպինը։
Սպերցյանը լավագույնն է ճանաչվել Ռուսաստանի Պրեմիեր լիգայի փորձագետների մոտ` երկու ձայն ստանալով, Սերգեևն ու Գոլենկովը առաջին տեղը կիսել են մեկնաբանների մոտ (երկուական ձայն), Գայիչը ստացել է երկրպագուների ձայների մեծամասնությունը։