ԵՐԵՎԱՆ, 6 նոյեմբերի – Sputnik. Արցախի Շուշի քաղաքի մոտակայքում տեղի ունեցած վթարի հետևանքով 5 ադրբեջանցի է զոհվել։ Տեղեկությունը հայտնում են ադրբեջանական ԶԼՄ–ները։
Վթարը տեղի է ունեցել Շուշիի Քարին-տակ գյուղի մոտ։ Նշվում է, որ «Nissan Navara»-ի վարորդը կորցրել է կառավարումը, արդյունքում ավտոմեքենան դուրս է եկել ճանապարհի երթևեկելի հատվածից ու շրջվել, ինչից հետո հրդեհ է բռնկվել։
Մեքենայում գտնվող հինգ ուղևորներ ողջ-ողջ այրվել են։Վարորդը այրվածքներով տեղափոխվել է հիվանդանոց։
Մեքենայում գտնվող բոլոր անձինք ճանապարհաշինական ընկերությունների աշխատակիցներ են եղել։