ԵՐԵՎԱՆ, 6 նոյեմբերի — Sputnik. Հրաձգային սպառազինությունների ամենահին ֆրանսիական արտադրող Verney-Carron ընկերությունը 36 միլիոն եվրոյի պայմանագիր է կնքել Ուկրաինային զենք մատակարարելու վերաբերյալ: Տեղեկությունըհայտնում է ՌԻԱ Նովոստի՝ հղում անելով ընկերությանը։
Ընկերությունը, որը տեղակայված է «ֆրանսիական զենքի մայրաքաղաք» Սենտ Էտիենում, շրջանակային պայմանագիր է կնքել ուկրաինական «Ուկրսպեցէքսպորտ» պետական ձեռնարկության հետ:
Խոսքը 10 հազար ինքնաձիգի, 2 հազար դիպուկահարի հրացանի, ինչպես նաև 400 նռնականետ մատակարարելու մասին է։
Առաջին առաքումները նախատեսված են 2024 թվականի սկզբին։
Ռուսաստանն ավելի վաղ ՆԱՏՕ-ի երկրներին բողոքի նոտա էր հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել էր, որ ցանկացած բեռ, որն Ուկրաինայի համար նախատեսված ռազմամթերք կպարունակի, Ռուսաստանի համար օրինական թիրախ կդառնա։ ՌԴ արտաքին քաղաքական գերատեսչությունում հայտարարել էին, որ ՆԱՏՕ-ի երկրները, Ուկրաինային ռազմամթերք մատակարարելով, կրակի հետ են խաղում։