ԵՐԵՎԱՆ, 19 հոկտեմբերի – Sputnik. Հայաստանի հավաքականի կիսապաշտպան Էդուարդ Սպերցյանը հեշտությամբ կարող է խաղալ պորտուգալական ուժեղագույն ակումբներում։ Այս մասին Metaratings.ru-ին ասել է «Կրասնոդարի» բրազիլացի պաշտպան Վիտոր Տորմենան։
«Կարծում եմ, որ նա վաղուց է ապացուցել իր մակարդակը։ Էդուարդ Սպերցյանն ի վիճակի է հանդես գալ պորտուգալական ուժեղագույն ակումբներում՝ «Պորտուում» և «Բենֆիկայում» և այնտեղից նա կարող էր էլ ավելի բարձրակարգ ակումբ տեղափոխվեր:Հավատում եմ, որ նա շուտով կկարողանա հայտնվել թոփ ակումբում»,- ասել է Տորմենան։
Այս մրցաշրջանում Սպերցյանը «Կրասնոդարի» կազմում անցկացրել է 13 հանդիպում, որոնցում խփել է 5 գոլ և կատարել երեք արդյունավետ փոխանցում։