ԵՐԵՎԱՆ, 18 հոկտեմբերի–Sputnik. Հայաստանը, Իրանն ու Հնդկաստանը քննարկել են եռակողմ համագործակցությունը Հնդկաստանի գլոբալ ծովային գագաթնաժողովի շրջանակում։
Էկոնոմիկայի նախարարության մամուլի ծառայությունը հայտնում է, որ նախարարի տեղակալ Նարեկ Տերյանն այսօր Մումբայ քաղաքում հանդիպել է Հնդկական նավահանգիստների ասոցիացիայի Մումբայ նավահանգստի տնօրեն Ռաջիվ Ջալոտայի հետ։
Հանդիպմանը ներկա են եղել նաև Հնդկաստանում ՀՀ արտակարգ և լիազոր դեսպան Վահագն Աֆյանը և Իրանում ՀՀ առևտրական կցորդ Վարդան Կոստանյանը։
Հայաստանը, Իրանն ու Հնդկաստանը քննարկել են եռակողմ համագործակցությունը Հնդկաստանի գլոբալ ծովային գագաթնաժողովի շրջանակում։
«Հանդիպման ընթացքում Ռաջիվ Ջալոտան ներկայացրել է նավահանգստի հնարավորությունները։ Այնուհետև կողմերը քննարկել են Մումբայ նավահանգստի միջոցով տարանցիկ բեռնափոխադրումների իրականացմանը վերաբերող հարցեր»,– նշված է հաղորդագրության մեջ։
Պայմանավորվածություն է ձեռք բերվել այդ ուղղությամբ գործնական քայլեր ձեռնարկել։ Անդրադարձ է արվել նաև հնարավոր եռակողմ ձևաչափով գործակցությանը։