Ռուսաստանի, Ղրղզստանի, Տաջիկստանի և Բելառուսի խաղաղապահների զորախմբերը վարժանքներ են սկսել ՀԱՊԿ «Անխախտ եղբայրություն–2023» զորավարժությունների շրջանակում: Այս մասին հայտնում է Բելառուսի պաշտպանության նախարարության մամուլի ծառայությունը։
Նշվում է, որ վարժանքները մեկնարկել են Ղրղզստանի զինված ուժերի «Էդելվեյս» ուսումնական կենտրոնի զորավարժարանում:
Ըստ զորավարժությունների սցենարի` զինծառայողները պետք է շրջափակեն այն բնակավայրը, որտեղ գտնվում են պայմանական ահաբեկիչները։
Հիշեցնենք, որ ավելի վաղ հայտնի էր դարձել, որ Հայաստանը հրաժարվել է մասնակցել հոկտեմբերի 9–13–ը Ղրղզստանում կայանալիք ՀԱՊԿ «Անխախտ եղբայրություն» զորավարժություններին: