ԵՐԵՎԱՆ, 4 հոկտեմբերի – Sputnik. ԵԱՏՄ-ում հատուկ նշանակության դեղեր արտադրողները կկարողանան դրանք գրանցել արագացված կարգով։ Համապատասխան ուղեցույցը հավանության է արժանացել Եվրասիական տնտեսական հանձնաժողովի կոլեգիայի նիստում:
Գրանցման համար արագացված ընթացակարգեր կկիրառվեն հատուկ նշանակություն ունեցող դեղերի նկատմամբ, այդ թվում՝ եթե դեղը եզակի է (անալոգներ չունի), եթե այն կարող է բուժել կամ վերահսկողություն ապահովել հիվանդությունների ծանր ձևերի նկատմամբ, կանխել հաշմանդամությունը կամ նվազեցնել մահացությունը։
Բացի այդ, փաստաթղթում շարադրված է մեթոդաբանությունը, որով գնահատվում է դեղերի ազդեցությունը (որքանով են դրանք օգնում պահպանել կամ երկարացնել կյանքը, կամ հիվանդին վերադարձնել աշխատունակությունը):