Արարատի մարզում մահացել է Արցախից բռնագաղթած ամենատարեց բնակիչը. նա 103 տարեկան էր

ԵՐԵՎԱՆ, 30 սեպտեմբերի – Sputnik. Արարատի մարզում երեկ՝ սեպտեմբերի 29-ին, հանկարծամահ է եղել Արցախի Հանրապետությունից բռնագաղթած մի քաղաքացի, հայտնում է shamshyan.com-ը։

Ժամը 10։00-ի սահմաններում «Արտաշատ» ԲԿ-ից ՀՀ Ներքին գործերի նախարարության ոստիկանության Արտաշատի բաժին ահազանգ է ստացվել, որ իրենց մոտ է տեղափոխվել տղամարդու դի։

Հիվանդանոց մեկնած ոստիկաններն ու քննիչները պարզել են, որ մահացածը Արցախի Հանրապետության Վանք գյուղից վերջին օրերին բռնագաղթած 103-ամյա Մեսրոպ Տ․-ն է։

Դեպքի փաստով Արարատի մարզային քննչական վարչությունում նախաձեռնվել է քրեական վարույթ, նշանակվել է դիակի դատաբժշկական փորձաքննություն։