ԵՐԵՎԱՆ, 24 սեպտեմբերի – Sputnik. Այսօր և վաղը Հայաստանի շրջանների զգալի մասում սպասվում է կարճատև անձրև և ամպրոպ, առանձին վայրերում` նաև մառախուղ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Սեպտեմբերի 27-ին և 28-ին սպասվում է առանց տեղումների եղանակ։
Ամպրոպի ժամանակ սպասվում է քամու ուժգնացում 17-20 մ/վրկ արագությամբ։ Օդի ջերմաստիճանն էապես չի փոխվի։
Այսօր երեկոյան կարճատև անձև կգա նաև Երևանում։ Ամպրոպի ժամանակ սպասվում է նաև քամու ուժգնացում՝ 15-18 մ/վրկ արագությամբ։ Ցերեկային ժամերին մայրաքաղաքում կգրանցվի 26-28, գիշերը` 14-16 աստիճան տաքություն։