Այսօր առավոտյան Մոլդովայից արտաքսված Sputnik Մոլդովայի ղեկավար Վիտալի Դենիսովը ժամանել է Մոսկվա։ Տեղեկությունը հայտնում է ՌԻԱ Նովոստին:
Դենիսովը երեկոյան ժամանել է «Դոմոդեդովո» օդանավակայան։
«Ինձ երկու րոպե ժամանակ տվեցին հավաքվելու համար։ Իսկ երբ դուրս ես գալիս շորտերով, հավաքվելը դժվար է, հատկապես երկու րոպեում։ Ես հասցրեցի հագնվել, և վերջ: Հարցրի, թե իրականում ինչն էր պատճառը։ Ինձ ասացին՝ չէ՞ որ մենք ներկայացանք», - ասաց Դենիսովը:
Ավելի վաղ Sputnik Մոլդովայի ղեկավար Վիտալի Դենիսովը ՌԻԱ Նովոստիին հայտնել էր, որ իրեն արտաքսում են Մոլդովայից։ Նա պարզաբանել էր, որ միգրացիոն ծառայության աշխատակիցները եկել են Քիշնևում իր տուն, նստեցրել իրեն մեքենա և տեղափոխել օդանավակայան՝ առաջին իսկ չվերթով արտաքսման մասին որոշմամբ:
Դենիսովի խոսքով՝ Մոլդովայի իշխանությունը կարծում է, որ ինքը սպառնալիք է ներկայացնում ազգային անվտանգության համար։
Ճեպազրույցի ժամանակ ՌԴ ԱԳՆ խոսնակ Մարիա Զախարովան Դենիսովի հետ կատարվածը անվանել էր ինֆոդաշտի «մաքրում»։
Իրավիճակը մեկնաբանել է «Ռոսիա սեգոդնյա» մեդիախմբի գլխավոր տնօրեն Դմիտրի Կիսելյովը: Նա նշել է, որ մոլդովական իշխանության կործանարար քաղաքականությունն անցնում է միջպետական հարաբերությունների բոլոր ադեկվատ սահմանները: