Ուժայինները ձերբակալել են Օդեսայի երկաթուղու ղեկավարներից մեկին։ Նա կասկածվում է Խերսոնում դիվերսիա իրականացնելու մեջ, որը հանգեցրել է ռուսական զորախմբի մատակարարման խախտման։ Այս մասին հայտնել են ՌԴ ԱԴԾ-ից։
«Խերսոնի մարզում Ռուսաստանի Դաշնային անվտանգության ծառայությունը ձերբակալել է Ուկրաինայի1961 թվականին ծնված քաղաքացու, որը կասկածվում է տրանսպորտային ենթակառուցվածքի դեմ դիվերսիայի մեջ` ուղղված Ռուսաստանի Դաշնության պաշտպանունակության խաթարմանը»,-ասված է մամուլի հաղորդագրության մեջ:
Նշվում է, որ ձերբակալվածը, 2022 թվականի փետրվարին հանդիսանալով Օդեսայի երկաթուղու ղեկավարներից մեկը, կազմակերպել է Խերսոն երկաթուղային կայարանի սլաքային փոխադրումների վնասումը` դրանք շահագործման համար ոչ պիտանի դարձնելով, «ինչը հանգեցրել է հատուկ ռազմական գործողության անցկացմանը ներգրավված ռուսական զորքերի խմբավորման մատակարարման ժամանակավոր խախտման»։