ԵՐԵՎԱՆ, 18 օգոստոսի – Sputnik. ԵԱՏՄ երկրների փորձագետներն աշխատում են դեղերի գրանցման պարզեցման ուղղությամբ։ Տեղեկությունն հայտնել է Եվրասիական տնտեսական հանձնաժողովի մամուլի ծառայությունը:
Հարցը քննարկվել է դեղերի հանձնաժողովի պրոֆիլային փորձագիտական կոմիտեի հերթական նիստում, որը նախագահում էր տեխնիկական կարգավորման նախարար Վիկտոր Նազարենկոն:
Նախատեսվում են փոփոխություններ բժշկական օգտագործման համար դեղամիջոցների գրանցման և փորձաքննության կանոններում՝ դեղերի անժամկետ գրանցման վկայականների տրամադրման վերաբերյալ դրույթների ճշգրտում, ԵԱՏՄ շուկայում արդեն շրջանառվող դեղերի նկատմամբ գրանցման դոսյեի կազմում ներկայացվող փաստաթղթերի ծավալի պահանջների ճշգրտում:
Այդ հարցի վերաբերյալ ԵՏՀ խորհրդի որոշման նախագիծը կքննարկվի 2023 թվականի IV եռամսյակում՝ կոլեգիայի նիստում։
Բացի փաստաթղթի նշված նախագծից, փորձագետները հավանություն են տվել ԵՏՀ կոլեգիայի «Նախակլինիկական (ոչ կլինիկական) հետազոտությունների անցկացման ժամանակ լաբորատոր (փորձարարական) կենդանիների հետ աշխատանքի ղեկավարման մասին» հանձնարարականի նախագծին, ինչպես նաև արդիականացրել են ԵԱՏՄ շրջանակում դեղամիջոցների շրջանառության կարգավորման ընդհանուր մոտեցումների ձևավորման հարցերով աշխատանքային խմբի կազմը: