ԵՐԵՎԱՆ, 12 օգոստոսի – Sputnik. Օգոստոսի 11-ին դեռևս չպարզված հանգամանքներում հրազենային մահացու վիրավորում է ստացել ՀՀ ՊՆ N զորամասի զինծառայող Գառնիկ Վարդանի Խնկոյանը, հայտնում է ՀՀ ՊՆ Մամուլի ծառայությունը:
Դեպքի հանգամանքներն ամբողջովին պարզելու նպատակով կատարվում է քննություն:
Հայաստանի Հանրապետության պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակիցներին:
Նշենք, որ օգոստոսի 11–ի առավոտյան ՊՆ–ն տեղեկացրել էր, որ օգոստոսի 10-ին չպարզված հանգամանքներում հրազենային վիրավորումից մահացել է զինծառայող Ժորա Կարապետյանը։
Ավելի ուշ քննչական կոմիտեն հայտնեց, որ զինծառայողին ինքնասպանության հասցնելու կասկածանքով ձերբակալվել են ծառայակիցները