ԵՐԵՎԱՆ, 9 օգոտսոսի – Sputnik. Թուրքիայի Անվտանգության խորհուրդն այսօր կայացած նիստում քննարկել է Ուկրաինայում տիրող իրավիճակը, հակամարտողներին կոչ արել վերսկսել բանակցային գործընթացը: Տեղեկությունը հայտնում է ՌԻԱ Նովոստին՝ հղում անելով Թուրքիայի Անվտանգության խորհրդի հայտարարությունը։
«Մանրամասն քննարկվել է Ռուսաստանի և Ուկրաինայի միջև պատերազմի ընթացքը և հետագա փուլերում մեր տարածաշրջանի համար դրա հնարավոր հետևանքները, հայտարարվել է, որ Սև ծովում լարվածության սրումը չի համապատասխանում որևէ մեկի շահերին։ Բոլոր կողմերին առաջարկվել է անհապաղ նստել բանակցությունների սեղանի շուրջ և դադարեցնել պատերազմը», - մշված է նիստի ամփոփիչ հայտարարության մեջ:
Հաղորդվում է, որ Թուրքիայի Անվտանգության խորհուրդը քննարկել է նաև Սևծովյան հացահատիկային նախաձեռնությունը: Ընդգծվել է, որ հացահատիկի համաձայնագրին վերադառնալը կկանխի կարիքավոր երկրների համար հնարավոր բացասական հետևանքներն ու կնպաստի պարենային կայունությանը:
Ավելի վաղ Թուրքիայի նախագահ Ռեջեփ Թայիփ Էրդողանի վարչակազմի աղբյուրը ՌԻԱ հայտնել էր, որ Թուրքիայի նախագահը ՌԴ նախագահ Վլադիմիր Պուտինի հետ օգոստոսին ծրագրվող բանակցությունների ընթացքում մտադիր է առաջարկել Ուկրաինայի հարցով խաղաղ բանակցությունների վերսկսումը՝ շուտափույթ հրադադարի հաստատման համար:
Մոսկվան բազմիցս նշել է, որ պատրաստ է բանակցությունների, սակայն Կիևը օրենսդրական մակարդակով արգելք է դրել դրանց վրա։ Արևմուտքը ՌԴ-ին մշտապես բանակցությունների կոչ է անում, Մոսկվան պատրաստակամություն է դրսևորում, բայց Արևմուտքում անտեսում են, որ Կիևը մշտապես հրաժարվում է բանակցություններից։ Ավելի վաղ Կրեմլում հայտարարել էին, որ Ուկրաինայում իրավիճակը խաղաղ հուն տեղափոխելու նախադրյալներ այժմ չկան, Ռուսաստանի համար բացարձակ առաջնահերթությունը հատուկ գործողության նպատակներին հասնելն է, ինչն այս պահին հնարավոր է միայն ռազմական ճանապարհով:
Կրեմլում հայտարարել են, որ Ուկրաինայում իրավիճակը կարող է խաղաղ հունի մեջ մտնել՝ հաշվի առնելով դե ֆակտո իրավիճակը և նոր իրողությունները։ Մոսկվայի բոլոր պահանջները շատ լավ հայտնի են: