ԵՐԵՎԱՆ, 31 հուլիսի - Sputnik. Այսուհետ Lufthansa խմբի բեռնային ավիափոխադրող Lufthansa Cargo AG ընկերությունը կիրականացնի կանոնավոր օդային բեռնափոխադրումներ Երևանից։ Այսօր «Զվարթնոց» միջազգային օդանավակայանում տեղի ունեցավ չվերթի պաշտոնական բացումը։
Ֆրանկֆուրտ-Երևան-Ֆրանկֆուրտ երթուղով առաջին չվերթը տեղի է ունեցել երեկ։ Նախատեսվում է թռիչքներն իրականացնել շաբաթը մեկ անգամ, բայց ավիաընկերության ներկայացուցիչները հույս ունեն, որ շուտով հաճախականությունը կավելանա։
«Հայաստանը համրվում է տնտեսական առումով հեռանկարային ուղղություն ավիաընկերության համար, քանի որ այստեղ բեռներ փոխադրել ցանկանում են եվրոպական և ամերիկյան շատ ընկերություններ։ Մենք հաշվի ենք առել մեր հաճախորդների կարծիքը ու բացել այս ուղղությունը»,– ասաց Ռուսաստանում և ԱՊՀ–ում Lufthansa Cargo AG ընկերության տարածաշրջանային տնօրեն Անժելա Գիլֆանուտդինովան։
Անժելա Գիլֆանուտդինովան
© Sputnik / Asatur Yesayants
Lufthansa Cargo AG ընկերությունը իրքականացնում է նմանատիպ չվերթեր աշխարհի տարբեր երկնրում, բայց ԱՊՀ տարածքում Երևանն առաջին է։ Բացի այդ ավիաընկերությունն անցած տարի ձեռք է բերել երեք բեռնատար ինքնաթիռ` իր ուղղությունները ավելացնելու համար։
Այն որ ուղղություններից մեկն ընտրվել է Երևանը, ավիաընկերության ներկայացուցիչները համարում են լուրջ քայլ։
Lufthansa Cargo–ն կանոնավոր օդային բեռնափոխադրումներ կիրականացնի Երևանից և դեպի Երևան
© Sputnik / Asatur Yesayants
«Հաշվի առնելով նաև, որ դեպի Հայաստան ու Հայաստանից ցամաքային բեռնափոխադրումներն այդքան էլ հեշտ չեն, իսկ ծովային բեռնափոխադրումներ իրականացնելու համար դեպի ծով ուղիղ ելք Հայաստանից չկա, օդային բեռնափոխադրումները շատ մեծ պահանջարկ ունեն»,– ասաց նա։
Անժելա Գիլֆանուտդինովան նշեց, որ Երևանում հատկապես պահանջված են Լոս Անջելոսից, Բրյուսելից և Փարիզից օդային բեռնափոխադրումները։ Իսկ ինչ վերաբերում է գնային քաղաքականությանը, ապա դրան կարելի է ծանոթանալ ավիաընկերության պաշտոնական կայքում։