ԵՐԵՎԱՆ, 26 հուլիսի – Sputnik. Մարդասիրական 400 տոննա բեռով 19 բեռնատար Երևանի Շահումյանի հրապարակում են շրջափակված Արցախ մեկնելու համար։
Արցախ ուղարկվող հումանիտար բեռը
© Sputnik / Aram Nersesyan
Sputnik Արմենիայի թղթակիցը տեղից հայտնում է, որ բեռնատարները բացվել են Հայաստանում հավատարմագրված օտարերկրյա դիվանագետների ներկայությամբ։ Այստեղ է նաև ՌԴ դեսպանի խորհրդական–դեսպանորդ Մաքսիմ Սելեզնյովը։
Բեռնատարների մեջ առաջին անհրաժեշտության ապրանքներ են` ալյուր, կաթի փոշի և այլն։
Քիչ անց բեռնատարները կմեկնեն Սյունիք` Կոռնիձոր, այնտեղից էլ ԼՂ կհասցնեն ռուս խաղաղապահները։
Նշվում է, որ 400 տոննա մարդասիրական օգնությունը շրջափակված Լեռնային Ղարաբաղ է ուղարկվում պետական ծրագրի շրջանակներում։
Հավելենք, որ Արցախն արդեն ավելի քան 225 օր շրջափակման մեջ է, որից ավելի քան 40 օրը` ամբողջական պաշարման։
Դիվանագետները հումանիտար բեռի մոտ
© Sputnik / Aram Nersesyan
Հիշեցնենք, որ 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։