ԵՐԵՎԱՆ, 17 հուլիսի - Sputnik. Ադրբեջանական զինուժը գիշերը դարձյալ սադրանքի է դիել` կրակելով Գեղարքունիքի մարզի ուղղությամբ։ Տեղեկությունը հայտնում է ՀՀ ՊՆ մամուլի ծառայությունը։
«Հուլիսի 17-ին՝ ժամը 00:05 -01:40-ն ընկած ժամանակահատվածում, Ադրբեջանի ԶՈւ ստորաբաժանումները հրաձգային զենքերից կրակ են բացել Սոթքի և Ներքին Հանդի հատվածում տեղակայված հայկական դիրքերի ուղղությամբ»,–ասվում է ՊՆ հաղորդագրության մեջ:
Հիշեցնենք` ադրբեջանական զինուժը հուլիսի 15–ին նույնպես կրկին կրակել էր Գեղարքունիքի մարզի հայկական դիրքերի ուղղությամբ։Տարբեր տրամաչափի հրաձգային զենքերի թիրախում էին հայտնվել Վերին Շորժայի հատվածի հայկական դիրքերը։