Հնդկական տիեզերական հետազոտությունների կազմակերպությունը (ISRO) Լուսին է ուղարկել Chandrayaan-3 միջմոլորակային ավտոմատ կայանը՝ լուսնագնացով: Geosynchronous Satellite Launch Vehicle (GSLV) Mk III կրող հրթիռն արձակվել է Շրիհարիկոտա կղզու Սաթիշ Դհավանի անվան տիեզերական կենտրոնի տիեզերակայանից:
Արդեն հայտնի է, որ Chandrayaan-3–ը հաջողությամբ անջատվել է կրող հրթիռից և դուրս է եկել Երկրի ուղեծիր։
Ըստ ISRO-ի տվյալների` Chandrayaan-3–ի առաքելությունն ունի երեք հիմնական նպատակ՝ կատարել փափուկ վայրէջք Լուսնի մակերևույթի վրա, ցուցադրել ինքնագնացի աշխատանքը Երկրի արբանյակի մակերեսին և կատարել մի շարք գիտափորձեր։
Միջմոլորակային կայանը բաղկացած է շարժիչ համակարգով մոդուլից, վայրէջքի մոդուլից և լուսնագնացից։