Սուրբ Աթոռի պետքարտուղար Պիետրո Պարոլինը Գյումրիում մասնակցել է խաղաղության աղոթքին

Սուրբ Աթոռի պետքարտուղար կարդինալ Պիետրո Պարոլինը Գյումրու «Սրբոց նահատակաց» եկեղեցում մասնակցել է Սուրբ պատարագին
Պատարագի ընթացքում Պարոլինը փոխանցել է Հռոմի Ֆրանցիսկոս պապի ուղերձը՝ խաղաղություն մաղթելով հայ ժողովրդին։
Sputnik
ԵՐԵՎԱՆ, 13 հուլիսի – Sputnik. Սուրբ Աթոռի պետքարտուղար կարդինալ Պիետրո Պարոլինը Գյումրու «Սրբոց նահատակաց» կաթոլիկ եկեղեցում մասնակցել է Սուրբ պատարագին, որից հետո հանուն աշխարհի խաղաղության աղոթք է հնչել։ Տեղեկությունը հայտնում է Sputnik Արմենիայի թղթակիցը։
Պատարագի ընթացքում Պարոլինը փոխանցել է Հռոմի Ֆրանցիսկոս պապի ուղերձը՝ խաղաղություն մաղթելով հայ ժողովրդին։
«Ֆրանցիսկոս պապն իր առաքելական օրհնությամբ կամենում է ամրապնդել ձեզ հավատքի, սիրո ու միության մեջ, որպեսզի դուք զգաք ձեզ Աստծո կողմից սիրված և եղբայրներ դառնաք բոլոր անձանք հետ»,–ասաց Պարոլինը։
Նա հիշեցրերց, որ 7 տարի առաջ Հռոմի Ֆրանցիսկոս պապը 3 օրով ժամանեց Հայաստան և Գարեգին Երկրորդ կաթողիկոսի հետ աղոթեց հանուն Հարավային Կովկասի, Հայաստանի ու Լեռնային Ղարաբաղի խաղաղության։
Պատարագից հետո Պարոլինին են մոտեցել պատարագին մասնակցած հայ գերիների ծնողները։ Նրանք խնդրել են միջնորդել, որ իրենց հարազատները վերադառնան ադրբեջանական գերությունից։
Պարոլինը խոստացել է գերիների ծնողների խնդրանքը փոխանցել Հռոմի Ֆրանցիսկոս պապին։
Սուրբ Աթոռի պետքարտուղար կարդինալ Պիետրո Պարոլինը Գյումրու «Սրբոց նահատակաց» եկեղեցում մասնակցել է Սուրբ պատարագին