ԵՐԵՎԱՆ, 11 հուլիսի – Sputnik. Մեծ Բրիտանիայի նախկին վարչապետ Բորիս Ջոնսոնը 8-րդ անգամ հայր է դարձել: Տեղեկությունը հայտնում է «Daily Mail»–ը՝ հղում անելով բրիտանական կառավարության նախկին ղեկավարի կնոջը՝ Քերի Ջոնսոնին։
Նորածնին անվանել են Ֆրենկ Արթուր Ոդիսևս։
«Բարի գալուստ աշխարհ, Ֆրենկ Ալֆրեդ Ոդիսևս Ջոնսոն, ծնվել է հուլիսի 5-ին` առավոտյան 9։15-ին: Հիասքանչ տեսարան էր, երբ իմ ավագ երեխաներն ուրախությամբ ու հուզմունքով գրկեցին իրենց նոր եղբորը»,- գրել է Ջոնսոնը։
Նա շնորհակալություն է հայտնել ծննդատան թիմին ու խնդրել է լավ սերիալներ խորհուրդ տալ կրծքով կերակրելու ժամանակ նայելու համար։
Քերի Սիմոնդսը Ջոնսոնի երրորդ կինն է։ 2018 թվականի աշնանը Բորիս Ջոնսոնը 25 տարվա ամուսնությունից հետո բաժանվեց երկրորդ կնոջից՝ Մարինա Ուիլերից։
Ֆրենկ Ալֆրեդ Ոդիսևսը Սիմոնդսի ու Ջոնսոնի երրորդ համատեղ երեխան է, սակայն նախկին վարչապետն ունի չորս մեծահասակ երեխա նախկին կնոջից՝ Մարինա Ուիլերից, ինչպես նաև արտամուսնական դուստր՝ արվեստաբան Հելեն Մաքինթայրից: Որոշ տվյալներով՝ նախկին վարչապետը արտամուսնական կապից ևս մեկ երեխա ունի, սակայն քաղաքական գործիչը դա չի հաստատել։
2022 թվականի հուլիսի 7-ին Ջոնսոնը հայտարարեց, որ հեռանում է Մեծ Բրիտանիայի վարչապետի և Պահպանողական կուսակցության ղեկավարի պաշտոնից, սեպտեմբերի 6-ին նա հրաժարական տվեց։