ԵՐԵՎԱՆ, 11 հուլիսի – Sputnik. Այսօր Հայաստանի շրջանների զգալի մասում սպասվում է կարճատև անձրև և ամպրոպ, որոշ հատվածներում՝ ինտենսիվ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
«Առանձին հատվածներում սպասվում է նաև կարկուտ»,– ասված է հաղորդագրությունում։
Ամպրոպի ժամանակ քամու ուժգնությունը կհասնի 18-23 մ/վրկ արագության։ Օդի ջերմաստիճանն աստիճանաբար կնվազի 6-8 աստիճանով։
Երևանում նույնպես անձրև ու ամպրոպ է կանխատեսվում, ամպրոպի ժամանակ և երեկոյան ժամերին՝ քամու ուժգնացում՝ 17-20 մ/վրկ արագությամբ։
Ցերեկային ժամերին Երևանում կգրանցվի 24-26, գիշերը` 13-15 աստիճան տաքություն։