ԵՐԵՎԱՆ, 7 հուլիսի – Sputnik. Երևանի քաղաքապետը դատարանում կրկին պարտվել ՀՀ ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանին։ Ֆեյսբուքյան իր էջում գրել է դատարանում Իշխան Սաղաթելյանի շահերի ներկայացուցիչ, իրավագետ Վահե Գրիգորյանը։
Նշենք, որ նախորդ տարի տեղի ունեցած բողոքի ակցիաների և շտապ հավաքների անցկացման փաստը հիմք ընդունելով` Երևանի քաղաքապետը (այն ժամանակ Հրաչյա Սարգսյանն էր) 4 հայց էր ներկայացրել ընդդեմ Իշխան Սաղաթելյանի` պահանջելով որպես կազմակերպիչ նրան տուգանել մինչև 300.000 դրամի չափով, ընդհանուր առմամբ` 1 մլն 200 հազար դրամի չափով:
Ավելի վաղ հայտնել էինք, որ Երևանի քաղաքապետն ընդդեմ Իշխան Սաղաթելյանի երկու գործերով պարտվել է:
«ՀՀ Վարչական դատարանը նույնպես բավարարել է մեր պահանջները, այսինքն` մերժել է Երևանի քաղաքապետի երկու հայցերն ընդդեմ Իշխան Սաղաթելյանի»,– գրել է նա:
Վահե Գրիգորյանը նշել է, որ պարտվող կողմը Երևանի քաղաքապետն է ի պաշտոնե, բացակայության դեպքում` նրա պարտականությունները ժամանակավորապես կատարողը, քանի որ հայց հարուցելու իրավունքը պայմանավորված է համայնքի ղեկավարի պաշտոնով, իսկ Հրաչյա Սարգսյանի հրաժարականից հետո Երևանի քաղաքապետի պարտականությունները կատարող(ները) չեն հրաժարվել հայցից։
Նշենք, որ Երևանի քաղաքապետւ պահանջել էր Սաղաթելյանին վարչական պատասխանատվության ենթարկել Վարչական իրավախախտումների վերաբերյալ ՀՀ օրենսգրքի 180.1-րդ հոդվածի 1-ին մասով (Առանց համայնքի ղեկավարին օրենքով սահմանված կարգով իրազեկելու կամ իրազեկման պայմանների խախտմամբ հավաք անցկացնելըառաջացնում է տուգանքի նշանակում հավաքի կազմակերպչի կամ ղեկավարի նկատմամբ սահմանված նվազագույն աշխատավարձի հարյուրապատիկից մինչև երեքհարյուրապատիկի չափով)։
Ըստ Սաղաթելյանի՝ այդ օրը հավաք չի եղել, այլ եղել է իրազեկման երթ: