80 տարի առաջ սկսվեց Կուրսկի ճակատամարտը, որից հետո ռազմաճակատում կտրուկ փոխվեց ուժերի հարաբերակցությունը:
Գերմանական հրամանատարությունը նախատեսում էր 1943-ի ամռանը անցկացնել «Ցիտադել» ռազմավարական հարձակողական գործողությունը՝ նպատակ ունենալով ջախջախել խորհրդային զորքերը Կուրսկի մերձակայքում:
Խորհրդային ռազմական հետախուզությանը հաջողվեց ժամանակին բացահայտել գերմանական բանակի նախապատրաստությունները․Գերագույն գլխավոր հրամանատարի ռազմակայանը որոշեց ժամանակավորապես անցնել պաշտպանության։
Կուրսկի ճակատամարտը Հայրենական մեծ պատերազմի վճռական մարտերից մեկն էր։ Խորհրդային զորքը 254,470 մարդ կորցրեց:
Ավելի քան 100 հազար մարդ պարգևատրվեց շքանշաններով և մեդալներով, 231–ն արժանացել է Խորհրդային Միության Հերոսի կոչման։
Կուրսկի ճակատամարտից հետո ռազմաճակատում ուժերի հարաբերակցությունը կտրուկ փոխվեց հօգուտ Կարմիր բանակի. պատերազմի բոլոր թատերաբեմերում նացիստները պաշտպանության անցան, սկսվեց ֆաշիստական բլոկի փլուզումը։