Իսպանիայի Սանտիագո դե Կոմպոստելա քաղաքում անցկացվող ըմբշամարտի Մ20 Եվրոպայի առաջնությունում Հայաստանը նվաճեց առաջին բրոնզե մեդալը։
65 կգ քաշային Անդրանիկ Ավետիսյանը ժամանակից շուտ 10։0 հաշվով հաղթեց ռումինացի Դանիել Սանդուին։
Քիչ հետո բրոնզե մեդալի համար կպայքարեն 97 կգ քաշային Գուրգեն Սիմոնյանը և 79 կգ քաշային Նարեկ Գրիգորյանը։
Հիշեցնենք, որ ըմբշամարտի երիտասարդական ԵԱ-ն մեկնարկել է հունիսի 26-ին և կտևի մինչև հուլիսի 2-ը: