Լվովի մարզի Բրյուխովիչի գյուղում ապամոնտաժվել է «Մայր հայրենիք» հուշարձանը։ Տեղեկսւթյունը հայտնել է Լվովի քաղաքային խորհուրդը։
«Այսօր Բրյուխովիչի քաղաքատիպ ավանում ապագաղութացման շրջանակում ապամոնտաժվել է խորհրդային ժամանակաշրջանի «Մայր հայրենիք» հուշարձանը», - նշված է քաղխորհրդի կայքում հրապարակված հաղորդագրությունում։
Բացի այդ, Վիննիկի գյուղում պատրաստվում են քանդել «Մարտիկ» հուշարձանը։
Ըստ քաղաքային խորհրդի` հաշվի առնելով հուշարձանի պատմական արժեքը` այն կտեղափոխվի մասնագիտացված թանգարան։
Ուկրաինայում աշխարհագրական օբյեկտների վերանվանումը և խորհրդային ու ռուսական հուշարձանների դեմ պայքարը սկսվել է 2015-ին այսպես կոչված ապագաղութացման մասին օրենքի ընդունումից հետո։ 2022 թվականի սկզբին իշխանությունը քանդեց ավելի քան 2,5 հազար հուշարձան, փոխեց ավելի քան 900 բնակավայրերի և մոտ 50 հազար փողոցների անունները։ 2022 թվականին երկրում պայքարի նոր ալիք բարձրացավ այն ամենի դեմ, ինչը հիշեցնում է ռուսական և խորհրդային պատմությունն ու մշակույթը։ Ուկրաինայի մշակույթի նախարարությունը հայտնեց, որ փոխվել է 9 859 աշխարհագրական անուն և ապամոնտաժվել է Ռուսաստանի հետ կապված 145 հուշարձան:
Ուկրաինայում հուշարձանների քանդման և անվանափոխման գործընթացը արագ տեմպերով շարունակվում է։ Հունիսի վերջին Պետական լեզվի ստանդարտների ազգային հանձնաժողովը խորհուրդ էր տվել վերանվանել ավելի քան 1,4 հազար տեղանուններ երկրի շարունակական «ապառուսիֆիկացման» շրջանակում։ Կիևի քաղաքապետ Վիտալի Կլիչկոն հայտնել է, որ հունիսի վերջին Ուկրաինայի մայրաքաղաքում վերանվանվել է 316 քաղաքային օբյեկտ: