ԵՐԵՎԱՆ, 22 հունիսի – Sputnik. Հայաստանի Հանրապետությունը Լեռնային Ղարաբաղին կտրամադրի 2,9 մլրդ դրամ (մոտ 7,4 մլն դոլար) հավելյալ միջպետական վարկ։ Որոշումն ընդունվեց կառավարության նիստում։
Միջոցները կուղղվեն Լեռնային Ղարաբաղի տարածքում ստեղծված սոցիալական լարվածության նվազեցմանը։
Միջպետական վարկը Լեռնային Ղարաբաղի կառավարությանը կտրամադրվի տարեկան 0,01 տոկոս տոկոսադրույքով, մինչև 2027 թվականի հունվարի 1-ը մարման ժամկետով՝ վարկի հիմնական գումարի և դրա նկատմամբ հաշվեգրվող տոկոսագումարների վճարումը վարկի մարման վերջնաժամկետում իրականացնելու պայմանով։