Անձրևները հեռանալու մտադրություն չունեն. եղանակի տեսություն

ԵՐԵՎԱՆ, 21 հունիսի – Sputnik. Հայաստանի Հանրապետության տարածքում հունիսի 21-24-ը շրջանների զգալի մասում սպասվում է կարճատև անձրև և ամպրոպ, առանձին վայերում՝ ինտենսիվ, առանձին հատվածներում սպասվում է նաև կարկուտ։ Հունիսի 25-ին սպասվում է առանց տեղումների եղանակ։ Տեղեկությունը հայտնում է ՇՄՆ «Հիդրոօդերևութաբանության և մոնիտորինգի կենտրոնը»։

Քամին արևմտյան է՝ 3-6 մ/վ արագությամբ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ:

Օդի ջերմաստիճանը 21-23-ի ցերեկն աստճանաբար կնվազի 5-7 աստիճանով։

Երևան քաղաքում ևս հունիսի 21-24-ը սպասվում է կարճատև անձրև և ամպրոպ։ Հունիսի 25-ին սպասվում է առանց տեղումների եղանակ: Ամպրոպի ժամանակ՝ քամու ուժգնացում՝ 15-18 մ/վ արագությամբ։

Մայրաքաղաքում հունիսի 21–ի գիշերը եղել է 15-17 աստիճան տաքություն, իսկ ցերեկային ժամերին կգրանցվի +19...+21 աստիճան։