ԵՐԵՎԱՆ, 19 հունիսի – Sputnik. ՀՀ Տավուշի մարզի Իջևան քաղաքում հորդառատ անձրևներից հետո փողոցները գետերի են վերածվել։ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը ինտենսիվ անձրևի ու կարկուտի կադրերը հրապարակել է ֆեյսբուքյան էջում։
Իսկ անձրևի հետևանքները երևում են սոցցանցային տիրույթում հրապարակված կադրերում։
Անձրևաջրերը բառացիորեն հեղեղել են փողոցները, ավտոմեքենաները կիսով չափ հայտնվել են ջրի տակ։
Հիշեցնենք` երեկ նման իրավիճակ էր ստեղծվել նաև Գյումրիում։