Ռուսաստանի Դաշնության պաշտպանության նախարար Սերգեյ Շոյգուն Արևմտյան ռազմական օկրուգի զորքերում ստուգել է, թե ինչպես է իրականացվում մարտական հերթապահությունը տիեզերական տարածության վերահսկման համակարգի նոր օբյեկտում։ Տեղեկությունն այսօր հայտնել է ՌԴ պաշտպանության նախարարությունը:
«Տիեզերական զորքերի հրամանատար, օդատիեզերական ուժերի գլխավոր հրամանատարի տեղակալ, գեներալ-գնդապետ Ալեքսանդր Գոլովկոն զեկուցել է ՌԴ պաշտպանության նախարարին տեխնիկական և ֆունկցիոնալ բնութագրերը, ինչպես նաև նոր օբյեկտի հետագա զարգացման հեռանկարները»,-նշված է հաղորդագրության մեջ:
Շոյգուին զեկուցվել է, որ նոր կայանը եզակի հնարավորություններ ունի մերձերկրային տիեզերական տարածության մեջ փոքր չափի տիեզերական օբյեկտների ավտոմատ որոնման, հայտնաբերման և վերահսկման համար: Հանդիպման ընթացքում նշվել է նաև, որ մերձերկրային վերահսկվող տարածությունն ավելանալուն զուգընթաց մինչև 2027 թվականը տիեզերանավերի որոնման ժամանակը գործարկումից կամ մանևրից հետո չորս անգամ կկրճատվի: