Ամպրոպի ժամանակ քամին կուժգնանա. եղանակի տեսություն

ԵՐԵՎԱՆ, 12 հունիսի – Sputnik. Հայաստանի Հանրապետության տարածքում հունիսի 12-ին, 15-16-ը՝ կեսօրից հետո առանձին շրջաններում, 13-14-ը շրջանների զգալի մասում սպասվում է կարճատև անձրև և ամպրոպ։ Հունիսի 13-ի ցերեկն առանձին հատվածներում հնարավոր է նաև կարկուտ։ Տեղեկությունը հայտնում է ՇՄՆ «Հիդրոօդերևութաբանության և մոնիտորինգի կենտրոնը»։

Քամին արևմտյան է՝ 3-6 մ/վ արագությամբ, ամպրոպի ժամանակ սպասվում է քամու ուժգնացում 15-20 մ/վ արագությամբ:

Երևան քաղաքում հունիսի 12-ի, 15-16-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Ամպրոպի ժամանակ կլինի քամու ուժգնացում՝ 13-16 մ/վ արագությամբ։

Մայրաքաղաքում հունիսի 12–ի գիշերը եղել է 16-18 աստիճան տաքություն, իսկ ցերեկային ժամերին կգրանցվի +29...+31 աստիճան։