ԵՐԵՎԱՆ, 9 հունիսի – Sputnik. Երւանի առաջին ատյանի ընդհանուր իրավասության դատարանում դռնփակ նիստից հետո ՀՀ վարչապետ Նիկոլ Փաշինյանի որդին` Աշոտ Փաշինյանը լրագրողների հետ զրույցում ասաց, որ անձնապես ուրախ է, որ զոհված զինծառայող Ժորա Մարտիրոսյանի մոր` Գայանե Հակոբյանը դատարանի դահլիճից ազատ արձակվեց։
«Էթիկապես հիմա ճիշտ չի լինի, եթե ինչ-որ բան ասեն, քանի որ նիստը դռնփակ է եղել։ Դատական նիստը դռնփակ է եղել հենց Գայնե Հակոբյանի միջնոդրությամբ եւ ցանկությամբ»,- նշեց նա։
նշենք, որ քիչ առաջ Երևանի ընդհանուր իրավասության դատարանը որոշեց մեղավոր ճանաչել Գայանե Հակոբյանին (Մարտիրոսյան)՝ 191 հոդվածի հատկանիշներով (առևանգում): Դատարանը վճռեց՝ 4 տարի ժամկետով ազատազրկել Հակոբյանին, սակայն պայմանականորեն չկիրառել այն և նշանակեց 1 տարի փորձաշրջան:
Ինչ վերաբերում է իր նախորդ հայտարարությանը, թե Գայանե Հակոբյանը պետք է մնա կալանքի տակ, Աշոտ Փաշինյանը հայտարարեց, որ իր խոսքը եղել է այն մասին, որ օրենսգրքով կան շատ հոդվածներ, դրանցից մեկը վերաբերում էր նրան, որ պատիժը պայմանականորեն չկիրառվի։
«Արդարադատության նպատակլը ոչ թե պատժելն է այն մարդուն, որը մեղավոր է ճանաչվում, այլ նպատակն այն է, որ հանցանքները նվազեն։ Անձնապես ուրախ եմ, գոհ եմ, որ իրավական գնահատական տրվեց միջադեպին։ Դա շատ կարեւոր է անկախ նրանից, թե ում է դա վերաբերում»,- ավելացրեց նա։
Աշոտ Փաշինյանը չի պատրաստվում բողոքարկել դատարանի որոշումը։ ԻՆչ վերաբերում է խոսակցություններին, թե Գայանե Հակոբյանը նրա հետ գործարքի է գնացել, ապա Աշոտ Փաշինյանը հավաստիացրեց, որ ոչ մի նման խոսակցություն չի եղել նրա հետ․ «Այստեղ գործարք չի եղել․ այն ինչ տեղի ունեցավ նիստի ըթնացքում, աքսիոմատիկ ճշմարտությունների շարունակությունն էր»։
Հիշեցնենք` մայիսի 17-ին տեղեկություն տարածվեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Վերջինս հաղորդում էր ներկայացրել ոստիկանություն, որից հետո ՀՀ քննչական կոմիտե քրեական գործ հարուցեց մարդուն առևանգելու հոդվածով, կալանավորվեց մեկ անձ` զոհված զինծառայող Ժորա Մարտիրոսյանի մայրը` Գայանե Հակոբյանը։
Հունիսի 5-ին հայտնի դարձավ, որ զոհված զինծառայողի մոր խափանման միջոցը փոխվել է, ընտրվել է տնային կալանքը։ Սակայն նույն օրը Երևանի ընդհանուր իրավասության քրեական դատարանի դատավոր Մանվել Շահվերդյանը որոշեց տնային կալանքը փոխարինել 1 ամիս 15 օր կալանքով։