ԵՐԵՎԱՆ, 4 հունիսի – Sputnik, Արմենուհի Մխոյան. Գյումրեցի տասը տատիկ շաբաթը երկու անգամ շտապում են Գյումրու Հովհաննես Շիրազի տուն-թանգարան՝ փորձերի: Նրանք նորաստեղծ «Մարջան» երգչախմբի անդամներն են:
«Մարջան» երգչախումբը Գյումրու Հովհաննես Շիրազի տուն-թանգարանի ցուցանմուշների պատասխանատու Մարինա Մանուչարովայի նախաձեռնությունն է, նա էլ ղեկավարում է երգչախումբը: Երաժիշտ Մանուչարովան Sputnik Արմենիային ասում է, որ նորաստեղծ երգչախմբի ամենատարեց երգչուհին 90 տարեկան է, երիտասարդը՝ 70։
Գյումրու «Մարջան» երգչախմբի տատիկները
© Sputnik / Armenuhi Mkhoyan
«Երգը, տանից դուրս գալն ու միասին ժամանակն անցկացնելն է մեզ միավորել: 90 տարեկան եմ, Գյումրիում եմ ծնվել, իսկական գյումրեցու թոռ եմ ու Գյումրին շատ եմ սիրում, դրա համար էլ սիրածս երգը Գյումրու օրհներգն է»,-ասում է Բեթղեմ Պողոսյանը` նշելով, որ երբեք չէր պատկերացրել, որ երգելու է երգչախմբում, հանդիսատեսի առաջ:
Պատմում է, որ բուժքույր է եղել, երգել միշտ սիրել է, բայց քթի տակ` ինքն իր համար է երգել:
«Когда душа поет,сердце не плачет. Երգը ջահելցնե գը մարդուն, մենք ջահելենք` 15 տարեկան: Ժամերըկհաշվենք, թե երբ բդի գանքերգելու»,-ավելացնումէ 78-ամյա Քնարիկ Հովհաննիսյանը։ Նա պատմում է, որ մինչև Սպիտակի երկրաշարժն աշխատել է Կարի գործարանում, որտեղ հանգստի ժամերին երգում էր և զբաղեցնում գործընկերներին:
Մեր այն հարցին, թե ինչու են երգչախմբում միայն տատիկներ, խմբավարը ցավով նշում է՝ երգող, ակտիվ պապիկներ գտնել չի հաջողվել:
Երգչախումբը ներկա պահին 10 անդամ ունի, երգացանկը ևս դեռ փոքր է՝ երեք երգ, բայց տատիկների ցանկությունը` նոր երգեր սովորելու, շատ մեծ է:
Արդեն մի քանի համերգների մասնակցել են, բայց ցանկություն ունեն նոր համերգների մասնակցել ոչ միայն հայրենի Գյումրիում, այլ նաև Գյումրիի սահմաններից դուրս: