Ուկրաինայում ռազմական հատուկ գործողությունն արագացնում է Ռուսաստանի զինված ուժերի արդիականացումը (այդ թվում` օդատիեզերական ուժերի թռիչքային անձնակազմի օդանավերի պարկի), հրթիռառումբային և անձնական հրաձգային զենքի թարմացումն ու կատարելագործումը:
«Կալաշնիկով» ընկերությունների խմբի գլխավոր կոնստրուկտոր Սերգեյ Ուրժումցևը հայտնել է ՌԴ օդատիեզերական ուժերին նոր ՊԿԿ-20 նոր ատրճանակ-գնդացիր փոխանցելու մասին՝ կրելի վթարային պահուստի համալրման համար, 1951 թվականի նմուշի Ստեչկինի ինքնաձիգ ատրճանակի փոխարեն։
Զորքերին ՊՊԿ-20-ի սերիական մատակարարումները սկսվել են փետրվարին, ատրճանակ-գնդացիրն արդեն կիրառվում է Ուկրաինայում հատուկ գործողության գոտում։
Ավելի վաղ Ռուսաստանի օդատիեզերական ուժերի գլխավոր կոմիտեի տեղակալ, գեներալ-լեյտենանտ Սերգեյ Դրոնովը պատմել էր ամառային կազմի կրելի վթարային պահուստի համակողմանի կատարելագործման մասին՝ զենքի, ռադիոկապի, բժշկական և սննդի խմբերի որակական նորացման, մարտավարական բեռնաթափման մասին՝ զրահապաշտպանության տարրերով։
Ռազմական օդաչուի «վթարային» զենքը պետք է համապատասխանի կոմպակտության, հուսալիության և կրակային հզորության շատ խիստ պահանջներին։ Էքստրեմալ իրավիճակում գոյատևման ողջ հավաքածուն տեղավորվում է կատապուլտային բազկաթոռի մեջ և կշռում է մոտ 15 կգ. այնտեղ հատուկ արկղում շերտերով դասավորված ռադիոփարոսն է, փչովի նավակը, գործիքներ, պարենամթերք և ինքնապաշտպանության համար նախատեսված զենք:
«Կալաշնիկով» ընկերությունների խումբը ՊԿԿ-20 ատրճանակ-գնդացիրը մշակել է «Վիտյազ-ՍՆ» հատուկ արտադրատեսակի հիման վրա: Արտադրող ձեռնարկությունը նոր զենքը համարում է «ժամանակակից ԱԿ-12-ի հուսալիության և էրգոնոմիկայի մարմնացում՝ ենթակոմպակտ ֆորմֆակտորում»։
Իսկապես, կոթի հետ միասին ՊՊԿ-20-ի երկարությունը ընդամենը 660 մմ է, իսկ ծալված վիճակում՝ 475 մմ։ Ատրճանակ-գնդացիրի զանգվածը 2,7 կգ է։ Փողի երկարությունը՝ 181 մմ, պահեստատուփի տարողությունը՝ 9х19 մմ 30 փամփուշտ։
Մերձամարտում հաստիքային (զրահահար) 7Н21 փամփուշտների կիրառումը երաշխավորում է 3А պաշտպանության դասի զրահաբաճկոնով հակառակորդի խոցումը։
Փամփուշտի թռիչքի սկզբնական արագությունը կազմում է մոտ 470 մ/վ։ ՊՊԿ-20-ի ավտոմատ հրաձգության տեմպը րոպեում 800 կրակոց է: Թիրախավորման միջակայքը՝ 200 մ:
Հուսալիությունն ապահովում է պարզ ավտոմատացումը՝ ազատ փակոցով: Գնդացիր ատրճանակի նախափողիվրա վերևից և ներքևից Պիկատինիի ձող կա օպտիկական նշանոց ու այլ «կից սարքավորումներ» ամրացնելու համար։
Մարտական գերազանցություն
«Կալաշնիկովի» նախագահ Ալան Լուշնիկովը ՊԿԿ-20-ը համարում է առաջիկա 20 տարվա ընթացքում աշխարհի լավագույն ատրճանակ-գնդացիրը: Նման գնահատականների համար բոլոր հիմքերը կան։
Նոր ՊՊԿ-20-ը «Վիտյազ-ՍՆ»-ից տարբերվում է չափերով և զանգվածով («Վիտյազի» երկարությունը կոթի հետ 705 մմ է, քաշը՝ 2,9 կգ առանց փամփուշտների), ցածր աղմուկի և առանց կրակի արագ հրաձգության սարքի օգտագործման հնարավորությամբ, հարվածադիմացկուն պոլիմերից պատրաստված ծալովի տելեսկոպիկ կոթով, էրգոնոմիկ ատրճանակային բռնակով, կրակի արդիականացված երկկողմանի փոխանցիչով:
Բացի հիմնական 7Н21 զրահահար փամփուշտից, ՊՊԿ-20-ի փամփշտակալում կարելի է օգտագործել ռուսական և արտասահմանյան արտադրության մյուս 9х19 փամփուշտների մեծ մասը։
9x19 մմ ստանդարտ ատրճանակային փամփուշտի ընտրությունը տեխնոլոգիական փոխզիջում է անհրաժեշտ կրակային հզորության և զենքի կոմպակտության միջև: Հրացանի փամփուշտը և գազահեռացնող հանգույցը (AK) թույլ չեն տալիս հրաձգային զենքի գերկոմպակտ նմուշներ ստեղծել։
Չնայած օդաչուի «նախորդ» կրելի վթարային պահուստի 20-փուլանի Ստեչկինի ավտոմատ ատրճանակի հաջող դիզայնին, հուսալիությանն ու կրակային հզորությանը` ԱՊՍ փամփուշտի սկզբնական արագությունը (340 մ/վ) դեռևս նկատելիորեն զիջում է 30 փամփուշտանոց ՊՊԿ-20-ին (470 մ/վ):
Ժամանակն անողոք է, պետք է նկատի ունենալ, որ զորքերում հարգանքի արժանացած մարտական «վետերանի» արտադրությունը դադարեցվել է 1959 թվականին, և մոտ 30 հազար թողարկված ԱՊՍ-ները չեն կարող հավերժ ծառայել։
ՊՊԿ-20 ատրճանակ-գնդացիրը հանրությանն առաջին անգամ ներկայացվեց «Army-2021» ֆորումի ժամանակ։ Հետագայում ՊՊԿ-20-ը հաջողությամբ անցավ պետական փորձարկումները և հաստատեց, որ համապատասխանում է այս դասի զենքի համար ժամանակակից պահանջներին, որոնք ներկայացնում են Ռուսաստանի Դաշնության բոլոր իրավապահ մարմինները:
Արտադրողի հեղինակությունը շատ խոսուն է։ «Կալաշնիկով» ընկերությունների խումբը ռուսական հրաձգային արդյունաբերության առաջատարն է և արտադրում է Ռուսաստանի հրաձգային զենքի մոտ 95%-ը։
Բացի այդ, «Կալաշնիկովը» թողարկում է անօդաչու թռչող սարքեր, արագընթաց տրանսպորտային-դեսանտային և գրոհային մոտորանավակներ հատուկ նշանակության ստորաբաժանումների համար, բարձր ճշգրտության հրթիռային սպառազինություն: «Կալաշնիկովի» արտադրանքը գնում է աշխարհի ավելի քան 27 երկիր։
Ավելի վաղ ամերիկյան «National Interest» մասնագիտացված պարբերականը նույնպես նշել էր ռուսական նոր ՊԿԿ-20 ատրճանակ-գնդացիրի արտահանման լավ հեռանկարները:
Բաժանորդագրվեք ռազմական վերլուծաբան Ալեքսանդր Խրոլենկոյի Telegram-յան ալիքին։