ՀՀ–ն ու Ադրբեջանը պատրաստ չեն լուրջ պայմանագիր կնքելու. մոսկովյան հանդիպման հետքերով

«Ակնհայտ է, որ ղարաբաղյան խնդրի կարգավորման հարցում Ռուսաստանը բնավ չի ցանկանում զիջել իր դիրքերն Արևմուտքին, ուստի ցույց տվեց, որ եթե կողմերը պայմանավորվեն ու լինեն մշակված ինչ–որ տարբերակներ արևմտյան հարթակներում կազմակերպվող բանակցություններում, միևնույն է, վերջնական պայմանագիրը, ըստ Մարտիրոսյանի, կնքվելու է Ռուսաստանի Դաշնության հովանավորությամբ»,– ասաց նա։

«Հայկական կողմը բանակցում է շատ թույլ դիրքերից, որովհետև ՀՀ վարչապետը հայտարարում է, որ մեր անվտանգության դիլեմայի լուծումը միայն խաղաղությունն է` առանց պարզելու, թե արդյոք մյուս կողմը պատրաստ է նույն մոտեցումը ցուցաբերել։ Ադրբեջանական կողմն այժմ Հայաստանի ղեկավարի վարքագիծն ընդունում է որպես այլընտրանք չունենալու իրողություն, հետևաբար իր պահանջներն է ներկայացնում` գործադրելով համապատասխան ճնշում, իսկ հետագայում կբարձրաձայնի, թե ինչ գործ ունեն հայկական անձնագրով քաղաքացիներն իր տարածքում, կամ ինչ իրավական հիմքով է հայկական դրամը շրջանառվում Ադրբեջանում, ինչ հիմքով է Արցախում տեղակայված այդքան զինուժ»,– ասաց մեր զրուցակիցը։