ԵՐԵՎԱՆ, 11 մայիսի – Sputnik. Նոր տրոլեյբուսներից 4-ը արդեն Երևանում են։ Այս մասին իր ֆեյսբուքյան էջում գրել է Երևանի քաղաքապետարանի լրատվության վարչության պետ Լևոն Սարդարյանը։
Նա կից ներկայացրել է նաև նոր տրոլեյբուսների լուսանկարները։
Նշենք, որ տրոլեյբուսները Երևան պետք է ժամանեին ավելի շուտ, սակայն դրանց չափսերից ելնելով` Վերին Լարսի թունելներն անցնելու համար թույլտվությունը ՀՀ–ն ստացել էր ուշացումով։
Հիշեցնենք, որ Երևանի քաղաքապետարանը սեփական միջոցներով ձեռք է բերել 15 նոր տրոլեյբուս, ևս 15-ը ձեռք կբերվի կառավարության աջակցությամբ: