ԵՐԵՎԱՆ, 27 ապրիլի – Sputnik. ԱՄՆ-ն և ԵՄ ներկայացուցիչները, մասնավորապես` Ֆրանսիան, ձախողեցին հայ-ադրբեջանական կարգավորման գործընթացում «ազնիվ բրոքերի» դերի հայտերը: Ամենշաբաթյա ճեպազրույցի ժամանակ այս հայտարարությունն արեց ՌԴ ԱԳՆ պաշտոնական ներկայացուցիչ Մարիա Զախարովան։
«Ֆրանսիացի և ամերիկացի գործընկերների փորձերը` համոզել բոլորին, որ իրենք առաջնորդվում են բացառապես Հարավային Կովկասում խաղաղության հասնելու շահերով, հերքվում են նրանց կանոնավոր հակառուսական հարձակումներով», - ասաց Զախարովան:
Նրա խոսքով՝ նման հայտարարությունները չի կարելի դասել կառուցողական աշխատանքի շարքին։ Հայտարարություններն ուժեղացնում են այն զգացողությունները, որ Վաշինգտոնի և Փարիզի իրական ձգտումները կոնյունկտուրային, քաղաքականացված բնույթ են կրում և ուղղված են Ռուսաստանի դիրքերի խարխլմանը. տարածաշրջանի ժողովուրդների ճակատագրի մասին հոգալը նրանց ծրագրերի մեջ չի մտնում։
Ավելի վաղ ռուսական կողմը հայտարարել էր, որ ԵԱՀԿ Մինսկի խմբի համանախագահների ձևաչափը (Ռուսաստան, Ֆրանսիա, ԱՄՆ) փաստացի այլևս գոյություն չունի, քանի որ արևմտյան երկրները հրաժարվում են համագործակցել Մոսկվայի հետ: