ԵՐԵՎԱՆ, 20 ապրիլի – Sputnik. Արմավիրի մարզի Փարաքար գյուղի կահույքի սրահներից մեկում հրդեհ է բռնկվել, ինչի հետևանքով մեկ մարդ տուժել է, հայտնում է ՆԳՆ փրկարար ծառայությունը։
Ճգնաժամային կառավարման ազգային կենտրոն ահազանգը ստացվել է ապրիլի 20-ին, ժամը 14:40-ին։ Հայտնել են, որ հրդեհ է բռնկվել Փարաքար գյուղի Մայրաքաղաքային փողոցի 98 հասցեում գտնվող կահույքի սրահում:
Փարաքարում կահույքի սրահ է այրվել
© Photo : ՀՀ ՆԳՆ փրկարար ծառայություն
Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը:
Հրդեհը մեկուսացվել է ժամը 15:14-ին, մարվել՝ 15:34-ին:
Այրվել է կահույքի երեսպատման պարագաների խանութը (մոտ 110 քմ), ջերմահարվել՝ կից կտորեղենի խանութի դուռը, առաստաղը (մոտ 5 քմ) և ավտոտեխսպասարկման կետի սանհանգույցի կախովի առաստաղը (մոտ 3 քմ):
Փարաքարում կահույքի սրահ է այրվել
© Photo : ՀՀ ՆԳՆ փրկարար ծառայություն
Քաղաքացի Թ. Բ.-ն (ծնված 1991 թ.) ծխահարվել է. վերջինս հոսպիտալացվել է Էջմիածին քաղաքի ԲԿ, որտեղ ստանալով համապատասխան բուժօգնություն՝ դուրս է գրվել։