ԵՐԵՎԱՆ, 30 մարտի - Sputnik. ՀՀ էկոնոմիկայի նախարար Վահան Քերոբյանն այսօր Հայաստանի Հանրապետությունում Ուկրաինայի ժամանակավոր հավատարմատար Օլեկսանդր Սենչենկոյի հետ քննարկել է տնտեսական համագործակցության հայ-ուկրաինական միջկառավարական համատեղ հանձնաժողովի հերթական նիստի անցկացման հնարավորությունը։ Այս մասին հայտնում է ՀՀ Էկոնոմիկայի նախարարության մամուլի ծառայությունը։
Հանդիպման ընթացքում քննարկվել են երկու երկրների միջև տնտեսական հարաբերությունների զարգացմանը, առևտրաշրջանառության ծավալների ավելացմանը, լոգիստիկ ծառայությունների բարելավմանը և երկկողմ հետաքրքրություն ներկայացնող մի շարք այլ հարցեր։
ՀՀ էկոնոմիկայի նախարար Վահան Քերոբյանն ընդունել է ՀՀ-ում Ուկրաինայի ժամանակավոր հավատարմատար Օլեկսանդր Սենչենկոյի գլխավորած պատվիարկությանը
Նշենք, որ տնտեսական համագործակցության հարցերով հայ-ուկրաինական միջկառավարական համատեղ հանձնաժողովի 8-րդ նիստը տեղի էր ունեցել 2021 թ.–ի սեպտեմբերի 14-ին Երևանում։